مدرسة صهرجت الصغرى الثانوية

مدرسة صهرجت الصغرى الثانوية

مدرسة صهرجت الصغرى الثانوية
 
الرئيسيةالتسجيل

شاطر | 
 

 مصر ام الدنيا

اذهب الى الأسفل 
كاتب الموضوعرسالة
elsayed nofal

avatar

عدد المساهمات : 34
تاريخ التسجيل : 24/09/2010
العمر : 26

مُساهمةموضوع: مصر ام الدنيا   الخميس أكتوبر 21, 2010 10:09 pm

******** مصر بلدنا أم الدنيا *******

**********************************************



الفساد لازم ينتهى ونعيش ونحيا مطّمّـنين


فى بلدناوطنّا وطن كل من كانوا مصريين


واللى خربها وسرقها دُول هُمّه المفسديـن


ياابن بلدى حتقول كلمتك وصوتـــــك فين


صوّت وقول الحق قول احنا مش خايفيين


نفدى بلدنا بعمــرنا واولادنا وكل ثمـــــين


كفايه الخراب والذل اللى احنا فيه عايشين


لإمتى نسيب الفـقـر يــاكل الشـقيانـين


اتحرك يامصرى وغير كيـانك من الأنين


حوله لصرخــه على البؤس والمحرومين


من رغيف العيش اللى موّت عرقانــــــين


حاربوا عشان يملوا بيه بطون جعانـــــين


واللا هوه اتحرم منه كـمان ويبقى لمـــين


***************


خيربلدنا يكفّى كل الناس بس هوه فـــــين


تلاقيه فى بنك الغرب ساكن مع التــانييـن


يتنعموا بخيرنا ويحرمـونا من الفداديــــن


القمح بيشتروه اخضروبيغروا فلاحــين


بشوية فلوس مش حتنفع صاحبها وفـــين


بكره ح تفهم وتعرف وفات الأوان بسنـين


لما تلاقى الغريب حكم بلدك بشكل مهــين


الحق ياخويا وابويا أرضك وشرفك زيـن


قبل ماتندم على سكاتك وراح صوتك فين


***************


إلحق ترابك بيتك قبل ماينزل مزاد ولمين


لكل خنازيرالصهاينـه وديولهـم الخاينـين


الحق ياصاحبى شرفك اللى عليه دايسين


إلحق بقية كرامتك وانهـض مع الثايريـن


إلحق تاريخك ومجدك دول منه غيرانــين


بيزوروه ويغيروه وولادنا بقــوا تايهــين



***************

شعارات تخللى الناس فى الوهم مرتاحين


مرة يقولوا احنا للمستقبل أهوه رايحـــيين


أو ح نخرج من الإزازه اللى فيها عايشــين


وآخرها مصربلدنا بتتقدم بيهم الجاهلــيـن


كل مره ياخدونا من كدبه لكدبه الكدابيـــن


فساد وخطف وسرقه والنهب بقى عناويـن


تقطّع وتنهب خيرنا واحنا أهـوه شـايفـــين


دقيق وقمح وزيت بيدوّر عليه ملايين


ياترى يلاقيه وان حصل يدفع فلوسه منيـن


وملح وسكر بقوا هُمَّه مرار وعلقم الملايــين


ضريبه ياخدوها ويخصموها من الغلبانين


والغنى يتمتع ينهب يخطف شقا العرقانـين


كدا النظام بقى من رجليه لراسه والودنين


غرقان فى جهله وكذبه وبيخدع الملايــين

الرجوع الى أعلى الصفحة اذهب الى الأسفل
 
مصر ام الدنيا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة صهرجت الصغرى الثانوية :: مجموعة نشاط اللغة العربية-
انتقل الى: